Ապօրինի ծագման գույքի բռնագանձման մասին օրենքը կարող է կիրառվել միայն 3-4 ամիս հետո

Եթե Հայաստանում որեւէ պաշտոնատար անձ ունի գույք, որը զգալիորեն թանկ է, քան նա կարող էր իրեն թույլ տալ իր օրինական եկամուտի հաշվին, ապա այն բռնագանձվում է: Այս մասին մայիսի 7-ին Ազգային ժողովի նիստին ՀՀ կառավարության 2019 թվականի կատարողականի վերաբերյալ զեկույցի քննարկման ժամանակ, պատասխանելով խորհրդարանականների հարցերին, հայտարարեց ՀՀ արդարադատության նախարար Ռուստամ Բադասյանը:
Նախարարը հավաստիացրեց, որ, չնայած իրենք շտապողականություն են դրսեւորում, սակայն լուրջ ուշադրություն են դարձնում այս «աշխատանքների» որակին: Ըստ Բադասյանի` բնակչությունը կարող է որոշակի ակնկալիքներ ունենալ այս օրենքից, սակայն նրանք, այնուամենայնիվ, պետք է հաշվի առնեն ժամկետները: Նախարարը նշեց, որ եթե գույքի բռնագանձման մասին օրենքը ստորագրվի նախագահի կողմից, ապա նախապատրաստական աշխատանքները 3-4 ամիս կտեւեն, ինչից հետո այն կսկսի լիարժեք աշխատել: