Գ.-ի ընկեր Բ.-ն խոսակցության ժամանակ նշել է, որ եթե Գ.-ն իրեն տա 300.000 ՀՀ դրամ, ապա Բ.-ն արտասահմանից Գ.-ի համար շահեկան գնով հեռախոս կբերի: Գ.-ն հավատալով Բ.-ին, 300.000 ՀՀ դրամը փոխանցում է Բ.-ին, սակայն հետագայում Գ.-ն ո´չ հեռախոս ստացավ, ո´չ էլ գումարը: Արդյո՞ք Բ.-ի արարքը համարվում է հանցագործություն:

Բ.-ն կենթարկվի քրեական պատասխանատվության խարդախության համար, քանի որ Գ.-ին խաբելով կամ նրա վստահությունը չարաշահելով, նրանից գույք, այդ թվում գումար է վերցնում (կամ համոզում է տվյալ անձին, որ գույքն իրեն փոխանցի):
Արարքը հանցագործություն որակելու համար անհրաժեշտ է, որ գույքի արժեքը 30.000 ՀՀ դրամից ավելի լինի: